Caxoto

Correo electrónico

caxotocativo@gmail.com

Teléfono

(0034) 653616126

Conta en

galego e castelán

Vive en

A Coruña (Galicia)

Ambito de traballo

Internacional

Ficha noutros idiomas

inglés – castelán

Web

https://atrastendadoscontos.com

Descrición

CAXOTO é a persoa que se atopa tralo mostrador da compañía ATRASTENDA DOS CONTOS e dende sempre estivo ligado aos espazos escénicos ben a través do teatro, do baile tradicional ou da música.

En canto soubo que na Editorial Kalandraka buscaban un mozo de almacén non dubidou en presentar a súa candidatura. Uns meses máis tarde propuxéronlle unha formación en narración oral e cando rematou ofrecéronlle facerse cargo das campañas de animación á lectura por colexios de toda Galicia. Era o ano 2003

Despois de todos estes anos de traballo e formación a narración de Caxoto defínese hoxe en día como intensa, emocional, retórica, chea de xiros e case sempre cómica cando non bufonesca. Caxoto conta de ti a ti, sen falsas voces nin temas tabú. O seu contar é un diálogo co público; un espazo onde non parar de xogar. Se a iso lle sumamos unha imaxinación desbordante e a súa capacidade de improvisación temos como resultado espectáculos nos que en cada función se abre un novo camiño.

EN TRÁNSITO:
Caxoto percorreu varias veces toda Galicia e dende o 2019 (pandemia mediante) decidiu explorar outras contornas, outros públicos, outras linguas...