PAROLAS QUE ESTIENDEN PUENS
As chens de a narrazión oral vivimos de racontar, de dezir, de parlar, somos ombres e mullers de parola, de parolas, e conoxemos a fuerza que s'amaga dezaga d'ellas. Sabemos que as parolas pueden estricallar e bastir, empentar e abrazar, esnafrar e sanar.... Por ixo en istos días alticamaus dende AEDA queremos condenar cualsiquier tipo de violenzia, ya siga verbal, ya siga fisica, e femos un clamamiento á lo dialogo, una clamada pa parar puestos de parola feita partache e d'alcuentro, puestos en os que se cautiven parolas de as que estienden puens, de as que edifican espazios de convivenzia, de as que azercan a las personas.
E iste no ye que un clamamiento á politicos e politicas, que tamién, ye un clamamiento á toz os protagonistas apercazaus por o trachín d'istos días, á periodistas, á chens de a cultura, á figuras publicas, á uns, á atros, á tú, á vusatros, á nusatros, á toz.
